|
Kollum
Dweilstik wint priis bêste Frysktalige doarpssjoernalistyk 2016 De redaksje fan ‘De Hiele Toer’ út Jorwert krige ûnder
de Nijjiersresepsje in sjek fan €250 oerlange troch boargemaster foar kollum
Dweilstik yn harren doarpskrante. It nivo fan dy kollum is neffens de sjuery
sa goed, dat de kollum as gehiel de priis foar de bêste Frysktalige bydrage
oan de 'doarpssjoernalistyk' yn 2016 fertsjinnet. De twadde priis gong nei
Mandeguod fan Mantgum en Ut ‘e Buorfinne fan Wjelsryp wûn de tredde priis. De
karkommisje De ‘Karkommisje Frysktalige doarpssjoernalistyk
Littenseradiel’ dy’t alle bydragen besjoen hat, bestiet út Gerrit Hoekstra út
Winsum, Margriet Groenveld út Hidaard en Sjoerd Bottema út Weidum. Hoewol de
kwaliteit fan de ynstjoerde Fryske stikken wer heech wie, wie de sjuery gau
út de trije stikken dy’t nominearre wurde. Se hienen apart fan inoar (hast)
deselde stikken selektearre. Top
trije ‘De Stienmurd’ út Ut ‘e Buorfinne fan Wjelsryp krige de
tredde priis. Neffens it sjueryrapport “in soppich ferhaal mei in
sensasjonele finale: in gefjocht op libben en dea mei in Mechelske herder”.
De twadde priis gong nei ‘Teater en Liturgy’ út Mandeguod; “in libben en sfearfol
stik oer Andries Kobus fan Mantgum, oer syn kleurryk libben as dûmny, sjonger
en dûnser”. De kollum ‘Dweilstik’ út De Hiele Toer út Jorwert wûn de earste
priis. It slagge de sjuery net om út te finen wat no it moaiste stik wie fan
de trije kollums dy’t harren ûnder de titel ‘Dweilstik’ taskikt wiene, sa
konsistint wie de kwaliteit. Dêrom hat de sjuery besletten in priis ta te
kennen oan de kollum yn syn gehiel. “Yn de dweilstikken wurdt gauris
oansitten yn it kafee. De toan is navenant: dy fan in smout en sterk ferhaal
oan de taap.” It
sjueryrapport It folsleine sjueryrapport en de priiswinnende stikjes
fine jo op de
webside fan de gemeente. Bron: Gemeente Littenseradiel |