|
Skûlje yn
Jorwert Yn 2016 komt J&Mteaterwurk fan Jan Arendz en Marijke
Geertsma mei in nije foarstelling: ‘Skûlje yn Jorwert’. In
toanielfoarstelling nei oanlieding fan it boek ‘Nachtboek van een kerkuil’, skreaun troch Bas van Gelder. Bas van Gelder hat dûmny west yn Jorwert krekt yn de
oarlochsjierren ‘40-’45. Hoewol it liket dat der yn Jorwert earst net folle
fan de Dútske besetting te fernimmen is yn ferliking mei Leiden, dêr’t hy
weikomt, ûntkomt ek Jorwert net oan de oarloch. De dûmny dy’t ûnderdûke moat
( yn syn eigen tsjerke), wurdt ferret en oppakt en komt yn de finzenis fan
Ljouwert te lâne. Jorwert is in hecht
doarp, mar ek yn dit doarp wenje njonken minsken, dy’t yn it ferset sitte, ek minsken dy’t de filosofy
fan Hitler oanhingje. In lytse mienskip prachtich opservearre troch in dûmny
dy’t fan bûten Fryslân yn Jorwert bedarret
yn de oarlochsjierren, wêryn de eigenskippen fan de minsken harren
krekt wat dúdliker ôftekenje. Wy ûntfange jim mei kofje en tee yn kafee ‘Het Wapen van
Baarderadeel’, dêrnei meitsje wy in kuierke troch Jorwert, sadat jim in
bytsje ynsjoch krije yn it doarp út dy jierren. Yn de kuier is ek in
eksposysje opnommen mei spesjaal materiaal út dy tiid. As wy nei 3 kertier
werom binne yn it kafee, nimt de dûmny (spile troch Jan Arendz) jim mei nei
de tsjerke fan Jorwert foar de foarstelling. Der is ek in mooglikheid om by it toanielbarren in lunch of
diner te brûken. Foar mear ynformaasje en om kaarten te
bestellen sjoch op www.jmteaterwurk.nl
|
Foarstellingsdata
2016
Tongersdei 12 maaie 14.00 oere Extra voorstellingen: 19, 20 en 21 mei om 14:00 en
19:30 uur Tagongspriis p.p € 18.50. Foar groepen fan mear as 20
persoanen € 17.50 p.p. Mear ynformaasje oer de foarstelling:
belje mei 06-44282677 of |
|
|
|
