|
Fjouwer fedraasjekrânsen
yn Jorwert Op woansdeitemiddei 2 juny kamen 30 bern út de gemeente
nei Jorwert ta foar de jierlikse federaasjewedstryd. Dat hat wolris mear
west, mar de reden wie wol dúdlik: yn Wommels wie in grut feest foar de bern
en as dy der net binne, skeelt dat dalik in grut oantal bern. Welpen famkes By de welpen famkes koene 4 partoerkes foarme wurde.
Durkje Zijlstra en Thea Hylkema wiene de Jorwerter dielnimsters. Fierder
famkes út Winsum, Easterein, Jellum en Weidum. De 4 partoeren keatsten yn ien poule. Elk
moast dêrtroch 3x keatse. Yn de earste omloop seagen we in spannende partij
tusken Jeska Terpstra (Easterein) en Hester de Boer (Jellum) tsjin Thea
Hylkema en Feikje vd Vegt (Weidum). Thea en har maatsje koene it krekt net
oprêde en mei 5-5 en 6-0 gie de winst nei Jeska en Hester. De twadde omloop
wie minder spannend, mar omdat Jeska en Hester en ek Rianne Nutma (Winsum) en
Durkje Zylstra foar de twadde kear wûnen, krigen we in echte finale yn de
tredde omloop. Dat waard ek wer in spannende striid dy’t yn it foardiel fan
Rianne en Durkje beslikke waard. Mei 4-5 en 6-6 kaam de earste krânse yn
Jorwert terjochte. By de oare partij yn de tredde omloop kaam alles oan de
hang. Mirjam Punter (Easterein) sloech op, Thea sloech in moaie keats. Dêrnei
mocht Thea opslaan en dat die ze poerbêst: in sitbal.
1.
Rianne
Nutma, Winsum / Durkje Zylstra, Jorwert 21
pnt 2.
Jeska
Terpstra, Easterein/Hester de Boer, Jellum 18
pnt 3. Thea Hylkema, Jorwert/Feikje vd Vegt, Weidum 15 pnt 4.
Mirjam Punter, Easterein/Jantina
Punter, Weidum 9 pnt Welpen jongens By de welpenjongens wie mear dielname. Der koe in moaie
list fan 8 partoer makke wurde. Der waard keatst neffens it ôffalsysteem, mei
wol in ferliezersronde derby. Yn de
earste omloop in tige spannende partij tusken Gjalt Sjirk de Groot (Mantgum)
en Simon vd Vaart (Spannum) tsjin Rutger Fopma(Mantgum) en Wilco Lobregt
(Wiuwert). Op 5-5 en 2-6 gie de winst úteinlik nei Rutger en Wilco, dy’t
dêrtroch yn de winnersronde fierder keatse mochten. Der wiene trouwens noch twa spannende
partijen yn dy earste omloop dy’t beide op 5-4 beslikke waarden. Yn de ferliezersronde folge doe yn de twadde omloop in
moaie partij tusken Gjalt Sjirk/Simon en Sipko Greidanus (Winsum) dy’t
tegearre mei Peer de Bakker (Weidum) keatste. Sipco en Peer wûnen it op 5-4
en mochten de finale fan de ferliezersronde keatse. Dat diene se tsjin Wessel
van Zuiden út Wiuwert en Yme Kramer út Weidum. Wessel (pakesizzer fan Sietse
van Zuiden út Jorwert) en Yme koene it lang net oprêde en mochten mei de
medaljes foar de twadde priis nei hûs. Sipco en Peer krigen de gouden
médaljes omhongen. Yn de winnersronde seagen we in hiele spannende striid
tusken Rutger en Wilco en Pieter Bonnema (Winsum) en Pier Koopmans (Weidum)
Spitich foar pake en beppe Castelein, want harren pakesizzer Pier koe it
krekt net oprêde. Op 5-5 en 6-5 moast er belies jaan. Rutger en Wilco
keatsten de finale tsjin ús eigen Gjalt van der Hem en Jeroen de Boer út
Spannum. Yn de earste omloop hie Gjalt noch frij dreech keatst mei 4-5. De
twadde omloop gie wat makkeliker. It waard 5-3 en sa stapte hy mei syn
maatsje de finale yn. Yn it earstoan likei t derop dat GJalt en Jeroen in
makkelike oerwinning pakke soene op Rutger en Wilco, mar dy leste twa kamen
sterk werom fan in achterstân. Sa waard it 4-5 yn it foardiel fan Gjalt en
Jeroen en 6-6. Op dy stân pleatste Gjalt in sitbal en in twadde krânse nei
Jorwert wie in feit. De útslach: Winnersronde 1. 2.
Rutger Fopma, Mantgum/Wilco
Lobregt, Wiuwert 3.
Pieter Bonnema, Winsum/Pier
Koopmans, Weidum Wessel Schraa, Wommels/Bauke Folkerts, Easterlittens Ferliezersronde 1. Sipco
Greidanus, Winsum/Peer de Bakker, Weidum 2. Wessel van Zuiden, Wiuwert/Yme Kramer,
Weidum 3. Gjalt Sjirk de Groot, Mantgum/Simon vd
Vaart, Spannum Aebe
Haima, Weidum/Ignas Dijkstra, Mantgum Pupillen jongens/famkes Yn dizze kategory wie mar in bytsje dielname en it lot hie
ek noch bepaald dat de twa Jorwerter jongens, Sander Kuperus en Hindrik Meinsma,
tegearre in partoerke foarmen. Fierder sieten Gertjan Bootsma út Itens en
Johannes Zandvliet út Easterein byelkoar en it tredde partoer bestie út it
iennigste famke, Baukje Terpstra út Easterein en Marco Lobregt út Wiuwert.
Earst keatsten Gertjan en Johannes tsjin Sander en Hindrik. Foar Sander en
Hindrik gie dit poerbêst. Se joegen Gertjan, oars in beste keatser, gjin kans
om yn syn spul te kommen en mei 5-2 wiene de earste punten gau binnen. Dêrnei
keatsten Gertjan en Johannes tsjin Baukje en Marco. Ek yn dy partij woe de
spanning net komme. Baukje en Marco keatsten sterk en gunden Gertjan en
Johannes mar ien earst. De leste partij soe útslútsel jaan moatte oer wa’t
mei de krânsen nei hûs gean soe. Sander en Hindrik begûnen hiel goed, namen
in spul foarsprong, mar doe kamen Baukje en Marco op stoom. Boppedat slûpten
der by Sander en Hindrik wat foutsjes yn en sadwaande namen Baukje en Marco
in 2-3 foarsprong. It folgjende earst wie wer foar Sander en Hindrik, 3-3
dus, mar dêrnei begûnen de Jorwerters wat te knoeien. Oan de opslach gie der nochal wat kwea of
buten en Baukje en Marco kamen op in 3-5 foarsprong. Op dat stuit gie by
Sander de knop om likei t wol, want hy wist in hiel spul binnen te heljen mei
in prachtige hurde, platte opslach. 5-5 en de spanning wie te snijen, ek al
trochdat it der ferbaal (Hindrik en Marco) ek fûl oan ta gie. Op in 6-4
foarsprong slacht Hindrik in hiele dikke keats, flak by de boppe. Dan mei
Sander opslaan. Hy jout in hege bal achteryn, dêr’t Marco net by kin en sa
giet de oerwinning nei it Jorwerter partoer. De útslach: 1.
Sander
Kuperus, Jorwert/Hindrik Meinsma, Jorwert 2. Baukje Terpstra, Easterein/Marco Lobregt,
Wiuwert 3. Gertjan Bootsma, Itens/Johannes Zandvliet,
Easterein tekst &
foto: Geartsje de Vries |
De útslach:
Gjalt vd Hem, Jorwert/Jeroen de Boer,
Spannum